An Custantin

Custantineiros

Retrato de casal custantineiro sacado an data çcuincida.
Quien son?
.

1211 - L regalengo de Infainç i Custantin

An 15 de Setiembre de 2007 ye publicado no blogue "decumentaçon mirandesa" la donacion de l regalengo de Infainç i Custantin a l mosteiro de Moreiruola, cun traduçon de l lhatin por Amadeu Ferreira. Cume tamien ye amportante ir a las ouriges, eiqui queda la dita traduçón:

An nome de Dius. Esta carta de donacion i para quedar para siempre que mandei fazer. You Çáncio pula grácia de Dius rei de Pertual, a la par de l miu filho rei don Fonso i la mulhier del reina dona Ourraca i de ls outros mius filhos i filhas. A bós don Herberto abade de Moreiruola daquel nuosso regalengo que le cháman Infainç i Custantin, acerca de Çurraque i quédan ne l termo de Miranda, damos-bos portanto a bós i al buosso mosteiro ls lhugares atrás nomeados que quédan ne l nuosso regalengo cun todo l que neilhes pertence al miu dreito. I cuncedemos-bos a bós i a todos ls buossos sucessores que la téngades i la possúades sien qualquiera falsa acusacion i cuntradicion por dreito de ardança para siempre. Inda bos dou cien aureos de limorna pula salbaçon de la mie alma para custruir l lhugar falado arriba quier dezir Infainç i Custantin. Assi quienquiera que respeitar este nuosso feito seia benezido por Dius amen. Esta carta fui feita an Santaren, l més de janeiro. I 1248.Nós ls reis que mandemos fazer esta carta delantre de las teçtemunhas abaixo assinadas cunfirmémos-la i neilha fazimos esta seinha (seinha).

La defréncia de datas ye por bias d'altaraçon de l calendairo por Gregorio XIII.

Mariefusas

Mariefusas son tan buonas, inda bos dais fé?

Apanhei-las hoije. Eran destes.

Nun ye para fazer ambeija a naide.........

Haba Chouriças!!!

Yá cheira a fiesta! Cepos quaije prontos i a modos de l chiçcar la cerilha, assi se mantenga la tradiçon de la nuossa fiesta de l solstício d’ eimbierno.
Alhá mos beremos hoije i siempre, astanho i todos los anhos.