terça-feira, 8 de dezembro de 2009

1.º Ancuontro de Fraitas de Aliste i Miranda


I cume l cartaç diç todo, solo bos rogamos que téngades ua buona biaije anté acá, nien que seia cun oubidos de ferreiro!

segunda-feira, 7 de dezembro de 2009

Célio i la gaita mirandesa



Fabricante de gaitas de fuolhes mirandesas, tocador cume poucos, ye un de los grandes ampulsionadores pa la padronizaçon de la gaita de fuolhes i la sue escala an Si Bemol.
Que l torno nun páre i que al gore tex nun le falte l'aire.

Curso de mirandés

La Associaçon de Lhéngua Mirandesa bai a ampeçar un nuobo curso de einiciaçon a la lhéngua mirandesa (fala i scrita).
L curso bai a ampeçar ne l die 6 de Janeiro de 2010 i será dado todas las quartas antre las binte i las binte i dues horas, cuntinando até la fin de júnio de l mesmo anho.
L curso bai a ser dado na Oxford School, na Abenida Marqués de Tomar, an Lisboua, tenendo cumo porsores Amadeu Ferreira i Francisco Domingues.
Las anscriçones puoden ser feitas pa la caixa de correio cursomirandes2@gmail.com L númaro de anscritos será lhemitado, de modo a que puoda funcionar bien.
L curso tenerá cumo blogue oufecial http://cursodemirandes.wordpress.com Ende se passará a falar de todo l que antressa al curso, se publicaran testos i se fazerá muita de la quemunicaçon antre ls partecipantes ne l curso.

Cumo siempre, l curso será de grácia.

quinta-feira, 3 de dezembro de 2009

segunda-feira, 30 de novembro de 2009

quarta-feira, 25 de novembro de 2009

Custantineiros

Retrato de casal custantineiro sacado an data çcuincida.
Quien son?
.

terça-feira, 24 de novembro de 2009

1211 - L regalengo de Infainç i Custantin

An 15 de Setiembre de 2007 ye publicado no blogue "decumentaçon mirandesa" la donacion de l regalengo de Infainç i Custantin a l mosteiro de Moreiruola, cun traduçon de l lhatin por Amadeu Ferreira. Cume tamien ye amportante ir a las ouriges, eiqui queda la dita traduçón:

An nome de Dius. Esta carta de donacion i para quedar para siempre que mandei fazer. You Çáncio pula grácia de Dius rei de Pertual, a la par de l miu filho rei don Fonso i la mulhier del reina dona Ourraca i de ls outros mius filhos i filhas. A bós don Herberto abade de Moreiruola daquel nuosso regalengo que le cháman Infainç i Custantin, acerca de Çurraque i quédan ne l termo de Miranda, damos-bos portanto a bós i al buosso mosteiro ls lhugares atrás nomeados que quédan ne l nuosso regalengo cun todo l que neilhes pertence al miu dreito. I cuncedemos-bos a bós i a todos ls buossos sucessores que la téngades i la possúades sien qualquiera falsa acusacion i cuntradicion por dreito de ardança para siempre. Inda bos dou cien aureos de limorna pula salbaçon de la mie alma para custruir l lhugar falado arriba quier dezir Infainç i Custantin. Assi quienquiera que respeitar este nuosso feito seia benezido por Dius amen. Esta carta fui feita an Santaren, l més de janeiro. I 1248.Nós ls reis que mandemos fazer esta carta delantre de las teçtemunhas abaixo assinadas cunfirmémos-la i neilha fazimos esta seinha (seinha).

La defréncia de datas ye por bias d'altaraçon de l calendairo por Gregorio XIII.